Տեսողության սրությունը, մեծ մասամբ, պայմանավորված է աչքի կառուցվածքով, բեկող միջավայրերի վիճակով։ Հաճախ երկու աչքի միջև լինում է տեսողության սրության տարբերություն։ Մի շարք հիվանդություններ և ախտաբանական վիճակներ կարող են բերել տեսողության սրության խաթարման և փոփոխել աչքի օպտիկական բնութագիրը։ Այս ամենը պետք է պարզի մասնագետը, որպեսզի համապատասխան օպտիկական ակնոց նշանակի։

Ցանկացած ակնոց ինքնուրույն ընտրելու դեպքում այն կարող է դառնալ դիսկոմֆորտի, գլխացավի, սրտխառնոցի, աչքերի լարվածության, ինչպես նաև որոշ դեպքերում տեսողության վատթարացման պատճառ։

Ակնոցի ընտրությունը պայմանավորված է

•  աչքի կառուցվածքով, հիվանդությունների առկայությամբ
• դեմքի կառուցվածքով
• պացիենտի նախասիրություններով

Ակնոցի շրջանակի ճիշտ ընտրության հիմքում նաև միջբբային հեռավորության որոշումն է, որի անհամապատասխանությունը նույնպես կարող է դիսկոմֆորտի պատճառ դառնալ։ 

Այսպիսով, ակնոցի ընտրությունը կատարվում է միայն լիարժեք հետազոտությունից և ճիշտ ախտորոշումից հետո։

«Լավանդա» ակնաբուժական կենտրոնում այն կատարվում է պրոֆեսիոնալ մասնագետների կողմից՝ ամենաժամանակակից սարքավորումներով, առանց ցավի և արագ։ Հետազոտությունից հետո դուրս է գրվում դեղատոմս, որի հիման վրա բուժառուն կարող է ձեռք բերել իրեն համապատասխան ակնոց։